عالم السيارات هنا هتلاقى مجموعة هايلة من السيارات الجديدة و القديمة و كمان مواصفات و اللى عنده موضوعات و غاوى سيارات يشاركنا...


الملاحظات


إضافة رد
 
أدوات الموضوع انواع عرض الموضوع
  #1  
قديم 11-01-2010
loshabih loshabih غير متواجد حالياً
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي موضوع مخصص عن اللانوس

تنوييه جميع المشاركات منقوله من منتديات اخري ونرجوا الدعاء لاصحابها ولزم التنويه للامانه

ما هو ال EGR ؟

اين يوجد ؟

ما هى وظيفته ؟

امتى نفكر نلغيه ؟

ما الفائده من وراء إلغائه وهو سليم ؟

و ما هى الطريقه السليمه لإلغائه ؟

كل الاسئله دى لقيتها مسار جدل فى المنتدى فى الفتره الاخيره

لذلك حبيت أجاوب على الاسئله دى فى الموضوع ده علشان يبقى مرجع لكل الاعضاء

قبل ما ابدأ الموضوع ده احب اوجه كل الشكر والتحيه لصديقى الذى كان السبب وراء اشتراكى بهذا المنتدى الجميل

حبيبى بدراوى

http://www.nilemotors.net/Nile/custo...tar10637_5.gif

وارجو من كل من يقراء موضوعى ألا يحرمنى من دعائه لى بظاهر الغيب

بسم الله نبدأ

ما هو ال EGR ؟

هو اختصار ل exhaust gas recirculation او صمام إعاده تدوير غاز العادم

ودى صورته

موضوع مخصص اللانوساضغط هنا لمشاهدة الصورة بالحجك الطبيعي.موضوع مخصص اللانوس

اين يوجد ؟

يوجد بأعلى الموتور بين غطاء التاكيهات والمانفولد

ما هى وظيفته ؟

وظيفته هى الحفاظ على مستوى معين من الانبعاثات الضاره والغازات السامه الخارجه من موتور السياره فى مختلف ظروف التشغيل بالتكامل مع علبة البيئه

ازاى يعنى الكلام ده

لو فكينا ال EGR وبصينا تحته هنلاقى فتحتين واحده واصله على المانفولد والتانيه على العادم
فى ظروف معينه من ضغط شديد على الموتور ( عدد لفات عالى ) ودرجة حراره عاليه تقل مقاومة السوسته الحاكمه لغلق فتحة العادم ومع ضغط غازات العادم تنفتح البوابه وتمر كميه من غازات العادم الى المانفولد مما يقلل من عدد لفات الموتور وضغط غازات العادم على ال EGR وعلبة البيئه ايضاٌ وفى نفس الوقت عند ارتفاع الصمام يضغط على الرق فوقه مما يدفع كمية هواء الى السلولونيد عبر الخرطوم الاسود الخارج من رأس ال EGR فيبعث السلولونيد بأشاره الى كومبيوتر العربيه ليخفض ضغط البنزين الداخل لغرف الحريق مما يصنع انخفاض عام فى آداء الموتور وبالتبعيه يخفض كمية غازات العادم ويحافظ عليها عند مستوى معين

سؤال جانبى
ليه مصنعى الموتور مكتفوش بأدخال كميه من غازات العادم لتخفيض عدد لفات الموتور وبس دون تدخل السلولونيد وكومبيوتر العربيه لخفض كمية البنزين الداخل للموتور ؟

بكل بساطه لانهم لو اكتفوا بأدخال كميه من غازات العادم فقط ودون خفض كمية البنزين لاصبح النظام ضار بالبيئه لانه هيخرج وقود غير كامل الاحتراق مع غازات العادم وهو اكتر سميه من العادم نفسه


امتى نفكر نلغيه ؟

بنلغيه فى حالة تلفه وعدم احكامه لغلق بوابة العادم مما يسبب برجله لسلانسيه المكنه والمكنه عموماٌ وانخفاض حاد فى آداء الموتور وطبعاٌ اكل بنزين غبى بدون داعى

وطبعاٌ بنلغى معاه علبة البيئه لان فى الوقت ده كمية غازات العادم الخارجه من الموتور فى حالة الضغط الشديد وعدد اللفات العالى هتبقى اكبر من قدرة علبة البيئه على معالجتها وكمان على تمريرها مما يؤثر بالسلب على الموتور والبيئه


ما الفائده من وراء إلغائه وهو سليم ؟

لما بنكون بندور على الآداء وبغض النظر عن اى شئ تانى وطبعاٌ ده للناس اللى بتسابق يعنى كل مشيهم جرى وعلى عدد لفات موتور عاليه انما اللى مشيه عادى مش هيحس بفرق لانه مبيوصلش بالموتور لحدود تشغيل ال EGR اصلاٌ فألغائه مش هيقدمله اى حاجه


و ما هى الطريقه السليمه لإلغائه ؟

قبل ما نفكر نلغيه هنجرب تأثيره على الموتور وهو راكب وشغال

هندور العربيه ونمسك البلف من فوق ونمد صوابعنا تحت القبه المدوره بتاعته ونشد الرق اللى صوابعنا ملامساه لفوق يعنى هنفتح البوابه بتاعته بأيدنا

هنلاقى الموتور اتبرجل فورى ويمكن يطفى كمان من كتر تأثير حركة البلف عليه
هنسيبه تانى يرجع لوضعه بس كده احنا عرفنا هو بيعمل ايه فى الموتور لما بيشتغل

فى ناس بتخلعه خالص من العربيه وبتقفل مكانه بطبه وخلاص ( ترييح دماغ ) وده صح بس بيبقى شكل الموتور وحش اوى زى اللى معموله عملية استئصال انف

الطريقه بتاعتى بنسيب البلف مكانه بس بنلغيه وظيفياٌ بحيث لو حد بص على الموتور ميلاحظش اى حاجه غريبه

نبدأ خطوه خطوه بالصور

اولاٌ هنفك المسمارين اللى ماسكينه بالموتور والموتور بارد

موضوع مخصص اللانوساضغط هنا لمشاهدة الصورة بالحجك الطبيعي.موضوع مخصص اللانوس


وهو فى ايدنا نبص على ضهره وهو مقلوب هنلاقى الفتحتين اللى قولنا عليهم

موضوع مخصص اللانوساضغط هنا لمشاهدة الصورة بالحجك الطبيعي.موضوع مخصص اللانوس

نجيب كارتون عازل حرارى من عند بتوع لف مواتير الكهرباء ونعمل بيه جوان اعمى ( يعنى بدون فتحات )
زى كده

موضوع مخصص اللانوساضغط هنا لمشاهدة الصورة بالحجك الطبيعي.موضوع مخصص اللانوس


ثم نركب الجوان اللى عملناه على البلف كده

موضوع مخصص اللانوساضغط هنا لمشاهدة الصورة بالحجك الطبيعي.موضوع مخصص اللانوس


ثم نعيد ربط البلف مكانه تانى على المكنه

ونخلع الخرطوم من رأس البلف ونحط قطعه من كيس بلاستيك ونركب الخرطوم تانى فبكده نبقى قفلنا مجرى الخرطوم كمان

موضوع مخصص اللانوساضغط هنا لمشاهدة الصورة بالحجك الطبيعي.موضوع مخصص اللانوس


خلاص كله كده تمام

فاكرين قبل ما نلغيه جربنا طريقة شغله ازاى
هنجرب بنفس الطريقه تانى علشان نتأكد اننا لغيناه وظيفياٌ


النتيجه تمام

التعديل الأخير تم بواسطة loshabih ; 11-01-2010 الساعة 08:45 AM
رد مع اقتباس
اقرأ ايضا جديد الأخبار لحظه بلحظه على ايجي لفرز
قديم 11-01-2010   #2
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي تغيير اضائة الانوس كامله ( فوانيس + عدادات + شنطه وصالون )

كترت اوى الاسئله حوالين اضائة الانوس وطريقة تغيرها للاجمل

فقولت اعملكم موضوع نقدر بيه نغير كل الانوار وبأيدينا بدون كهربائى

نبدأ بفرانى الفوانيس

هنفتح الكابوت ونبص على ضهر الفانوس الكبير هنلاقى غطاء بلاستك دوار هنفكه بأتجاه عقارب الساعه

[IMG]اضغط هنا لمشاهدة الصورة بالحجك الطبيعي...[/IMG]

هنلاقى فيشة الفيرانى السوداء

[IMG]اضغط هنا لمشاهدة الصورة بالحجك الطبيعي...[/IMG]

هنشدها لبره ونشيل اللمبه القديمه ونحط الليد الجديد ونخلى بالنا ننور الفيران ونشوف لو الليدات نورت يبقى التركيب صح ولو منورتش نلف اللمبه لان الليدات ليها سالب وموجب


[IMG]اضغط هنا لمشاهدة الصورة بالحجك الطبيعي...[/IMG]


دى صورة كارت اللمبات ونخلى بالنا منها كويس علشان دى نفس الليدات اللى هنركبها فى العدادات اللمبه فيها عشر ليدات الكارت لمبتين ب 30 جنيه

[IMG]اضغط هنا لمشاهدة الصورة بالحجك الطبيعي...[/IMG]

هنقفل الغطاء عكس ما فتحناه ونقفل الكبوت ونبص على النتيجه


[IMG]اضغط هنا لمشاهدة الصورة بالحجك الطبيعي...[/IMG]

loshabih غير متواجد حالياً   رد مع اقتباس
قديم 11-01-2010   #3
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي رد: موضوع مخصص عن اللانوس

نيجى بقى للصالون

هنشيل الغطاء الشفاف للمبه الصالون بمفك عاده صغير

[IMG]اضغط هنا لمشاهدة الصورة بالحجك الطبيعي...[/IMG]

هنشيل لمبه الصالون ونحط الليدات الجديده 18 ليد

[IMG]اضغط هنا لمشاهدة الصورة بالحجك الطبيعي...[/IMG]

ونخلى بالنا برضه من اتجاه التركيب السالب والموجب



ونبص على الشكل بعد التقفيل

[IMG]اضغط هنا لمشاهدة الصورة بالحجك الطبيعي...[/IMG]

loshabih غير متواجد حالياً   رد مع اقتباس
قديم 11-01-2010   #4
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي رد: موضوع مخصص عن اللانوس

نخش على الشنطه
ولا هيا ملهاش نصيب

هنخلع غطاء لمبة الشنطه بمفك عاده صغير وهنوصل سلكين موجب وسالب ونوديهم اضهر الكنبه علشان نوصل شريط الليدات

[IMG]اضغط هنا لمشاهدة الصورة بالحجك الطبيعي...[/IMG]

هنلزق شريط الليدات فى ضهر الكنبه من فوق بلصق وشين ( المكان ده ممتاز فى توزيع الاضائه )

[IMG]اضغط هنا لمشاهدة الصورة بالحجك الطبيعي...[/IMG]

هنقفل ونبص على النتيجه

[IMG]اضغط هنا لمشاهدة الصورة بالحجك الطبيعي...[/IMG]

( على فكره لما بفتح الشنطه نور الليدات بيبقى رامى بره ورا العربيه بشكل جميل اوى )

loshabih غير متواجد حالياً   رد مع اقتباس
قديم 11-01-2010   #5
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي رد: موضوع مخصص عن اللانوس

وأخيراٌ وليس آخراٌ

نور العدادات

هنبدأ بفك الطابلوه حته حته
الاول
هنشد الفبره اللى تحت التابلوه لبره

[IMG]اضغط هنا لمشاهدة الصورة بالحجك الطبيعي...[/IMG]

هنلاقى تحتها مسمارين ماسكين وحدة مفاتيح التكييف هنفكهم

[IMG]اضغط هنا لمشاهدة الصورة بالحجك الطبيعي...[/IMG]

هنشد وحدة التكييف بشويش لبره بمفك عاده

[IMG]اضغط هنا لمشاهدة الصورة بالحجك الطبيعي...[/IMG]


وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف

[IMG]اضغط هنا لمشاهدة الصورة بالحجك الطبيعي...[/IMG]

ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس
وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه

[IMG]اضغط هنا لمشاهدة الصورة بالحجك الطبيعي...[/IMG]

[IMG]اضغط هنا لمشاهدة الصورة بالحجك الطبيعي...[/IMG]


كده العدادات قدامنا هنفك الاربع مسامير اللى ماسكين العدادات

[IMG]اضغط هنا لمشاهدة الصورة بالحجك الطبيعي...[/IMG]

ونفك التلات فيش اللى واصلين بضهر لوحة العدادات


[IMG]..[/IMG]


ونطلع اللوحه فى ايدنا و نقلبها ونفك الاربع دوايات بتوع الاربع لمبات الكبار ونخلع اللمبات القديمه ونحط اللمبات الليدات الجديده اللمبه عشره ليد ( فاكرينها اللى كنا حطينها فى الفريانى بتاع الفانوس اول الموضوع )

[IMG]اضغط هنا لمشاهدة الصورة بالحجك الطبيعي...[/IMG]


بالمره واحنا فاكين العدادات هنلون المؤشرات علشان نعمل نيولوك للعدادات
هنفك وش العدادات الشفاف عن طريق زق الكلبسات لبره بمفك عاده صغير

التلوين ممكن بقلم ماركر بأى لون تختاره وممكن بالوان بويه علشان تتحكم فى درجة اللون اللى انت عايزه وفرشه صغيره اوى

[IMG]اضغط هنا لمشاهدة الصورة بالحجك الطبيعي...[/IMG]

تقريبا كده خلصنا كل حاجه

نبدأ نعيد بالعكس كل اللى عملناه

ونربط كل شىء بأتقان

وعلشان ابقى مخبتش عليكم حاجه وانا بقفل لصقت كل اسطح التركيب بلصق وشين وكمان ورا العدادات علشان امنع اى اصوات زقزقه وصرصره بتطلع من ورا الطابلوه واللى بتجنن اى حد ودنه حساسه ذى حالى

[IMG]اضغط هنا لمشاهدة الصورة بالحجك الطبيعي...[/IMG]

[IMG]اضغط هنا لمشاهدة الصورة بالحجك الطبيعي...[/IMG]


[IMG]اضغط هنا لمشاهدة الصورة بالحجك الطبيعي...[/IMG]

وبكده ابقى عدلت اضائة الدايو ومنعت اصوات الزقزقه اللى فى الصالون

لسه ليكم عندى منع الاصوات نهائيا من الدايو

وتحويلها من شخشيخه الى عربيه خرصه

loshabih غير متواجد حالياً   رد مع اقتباس
قديم 11-01-2010   #6
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي طريقة تحويل لانوس من مانيوال إلى أوتوماتيك بالصور ::::منقول من نايل موتورز

  1. ريداتير أوتوماتيك شامل عدد 2 خرطوم تبريد زيت أوتوماتيك
  2. فتيس اوتوماتيك كامل بالقواعد ( عدد 2 قاعدة )
  3. ترس فولان للاوتوماتيك بالمسامير بتاعته
  4. عدد 2 كوبلن اوتوماتيك كامل ( من أول العجل لحد الفتيس بالأفايز والكاوتش وصامولة الربط )
  5. ضفيرة موتور اوتوماتيك ( يجب مراعاة تطابق فيش الرشاشات مع الرشاشات بتاعتك علشان في نوعين من الفيش )
  6. كنترول الموتور الاوتوماتيك + كنترول الفتيس الاوتوماتيك + فبرة التثبيت تحت الكرسي الأمامي يمين
  7. ضفيرة كونترولات اوتوماتيك كاملة (من أول الكونترولات لحد الموتور)
  8. طقم بدالات أوتوماتيك ( بدال فرامل + طبة سد مكان بدال الدبرياج )
  9. عصاية اوتوماتيك بكابل النقل من العصاية الي اول الفتيس
  10. مارش أوتوماتيك ( المارش الرفيع وطويل علشان في مارش تاني قصير وتخين ده مش بيركب مع الأوتوماتيك )
  11. قاعدة دينامو ( طول قاعدة الدينامو في المانيوال غير الأوتوماتيك )
  12. خزنة زيت الباكم بتاع الفرامل
  13. ماسورة سربنتينة التكييف الساخن ( الماسورة اللي ناحية فردة الشاسيه الشمال طولها في الأوتوماتيك أقصر بكتييير من طولها في المانيوال)
  14. عدد 9 كيلو زيت شيل DONAX ATF اوتوماتيك



اقتباس
المشاركة الأصلية كتبت بواسطة MMamdouh




فية بس نقطة واحدة قد تكون مشكلة... فردة الشاسية الشمال للانوس الاوتوماتك اعلى من بتاعت المانيوال... لما بنقلب من اوتوماتك لمانيوال بنركب جلب مسافة لتعويض الفرق... لكن لما نقلب من مانيوال الى اوتوماتك مش عارف دى حلها ايه لان فردة الشاسية حتبقى واطية زيادة عن اللزوم

MMamdouh




اقتباس
المشاركة الأصلية كتبت بواسطة MMamdouh




دلوقتى الفتيس و الموتور بيركبوا على شاسية العربية من خلال قواعد موتور و فتيس... الفتيس المانيوال له قاعدتين واحدة منهم بتركب على فردة الشاسية الشمال

فى الاوتوماتك القاعدة دى مختلفة و بيركب مكانها قاعدة اسمها قاعدة العصفورة... القاعدة دى اكبر بكتير من القاعدة بتاعت الاوتوماتك و كمان فردة الشاسية اللى بتركب فيها بتبقى مرتفعة كذا سنتى عشان تعادل الحجم الكبير للقاعدة

دلوقتى ات حتركب فتيس اوتوماتك بالقاعدة الكبيرة دى... غالبا حتلاقى فردة الشاسية اوطى من اللازم و مفيش مساحة للقاعدة عشان تركب

MMamdouh



واللي حأوضحلكم بالصور إزاي حليت موضوع القاعدة الشمال دي




توكلت على الله ونزلت الحرفيين لفيت على التجار لحد ما ربنا وفقني لواحد هناك محترم جداااااااااااا جدااااااااااااااااا جدااااااااااااااااااااااا ( ربنا يجازيه خير على امانته و ضميره اليقظ ) وإتفقت معاه على إستبدال القطع المانيوال بالأوتوماتيك مع دفع فرق 700 جنيه فقط...

وفكيت القطع المطلوبة من النص الأوتوماتيك اللي عنده ورحت للميكانيكي .......
ودي صور القطع المطلوبة

اضغط هنا لمشاهدة الصورة بالحجك الطبيعي.

النص اللي فكيت القطع منه
=======================

اضغط هنا لمشاهدة الصورة بالحجك الطبيعي.

الريداتير بخزنة التبريد
=======================

اضغط هنا لمشاهدة الصورة بالحجك الطبيعي.

الفتيس الأوتوماتيك بترس الفولان
=======================

اضغط هنا لمشاهدة الصورة بالحجك الطبيعي.

ضفيرة الموتور المزود بفتيس أوتوماتيك ( يجب مراعاة تطابق فيش الرشاشات مع الرشاشات بتاعتك علشان في نوعين من الفيش )
=======================

اضغط هنا لمشاهدة الصورة بالحجك الطبيعي.

كنترول الموتور الاوتوماتيك + كنترول الفتيس الاوتوماتيك + فبرة التثبيت تحت الكرسي الأمامي يمين
=======================

اضغط هنا لمشاهدة الصورة بالحجك الطبيعي.

ضفيرة كونترولات اوتوماتيك كاملة (من أول الكونترولات لحد الموتور)
=======================

اضغط هنا لمشاهدة الصورة بالحجك الطبيعي.

طقم بدالات أوتوماتيك ( بدال فرامل + طبة سد مكان بدال الدبرياج )
=======================

اضغط هنا لمشاهدة الصورة بالحجك الطبيعي.

عصاية اوتوماتيك بكابل النقل من العصاية الي اول الفتيس
=======================

اضغط هنا لمشاهدة الصورة بالحجك الطبيعي.

مارش أوتوماتيك ( المارش الرفيع وطويل علشان في مارش تاني قصير وتخين ده مش بيركب مع الأوتوماتيك )
=======================

اضغط هنا لمشاهدة الصورة بالحجك الطبيعي.

قاعدة دينامو ( طول قاعدة الدينامو في المانيوال غير الأوتوماتيك )
=======================

اضغط هنا لمشاهدة الصورة بالحجك الطبيعي.

خزنة زيت الباكم بتاع الفرامل
=======================

اضغط هنا لمشاهدة الصورة بالحجك الطبيعي.

ماسورة سربنتينة التكييف الساخن ( الماسورة اللي ناحية فردة الشاسيه الشمال طولها في الأوتوماتيك أقصر بكتييير من طولها في المانيوال)
=======================

================================================== ==============================

بدءنا الشغل و الميكانيكي رفع العربية وكانت خطوات التنفيذ كالتالي:............

الخطوة الأولى : رفع السيارة وتسقيط المكنة :

طبعا كتير منكم حيسأل إيه لزوم تسقيط المكنة بأكملها ؟؟؟؟؟؟؟؟؟؟؟؟؟
كان لازم نسقط المكنة بحالها مش الفتيس بس وده علشان كان لازم نقطع من البلوك بتاع الموتور حتة حديد زهر كده مالهاش أي لازمة ... حجمها قد نص حجم مثلث الجبنة النستو والحتة دي كانت طاعنة في جسم الفتيس الأوتوماتيك وإتقطعت بالصاروخ في دقيقة واحدة بالضبط .....

بعد ما الموتور إتسقط فكينا منه الفتيس المانيوال وحلينا الكبالن والضفيرة وقطعنا الحديدة الصغيرة و بعدين ركبنا الفتيس الأوتوماتيك على المكنة وضفيرة الموتور الأوتوماتيك والكبالن ورجعنا المكنة تاني ....
أنا بأتكلم بصيغة الجمع علشان كنت شغال بإيدي مع الميكانيكي ومتابع معاه خطوة بخطوة علشان ما فيش حاجة تبوظ )


اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

===========================


المرحلة التانية : قاعدة الفتيس :......

بعد ما المهندس ممدوح نبهني لنقطة فردة الشاسيه الشمال واجهتنا أكبر مشكلة في الموضوع اللي هي إزاي حنثبت الفتيس ؟؟؟؟؟

رحت عند التاجر في الحرفيين ( الله يباركله ويزيده من فضله يارب ) وكان عنده فردة شمال مانيوال وفردة أوتوماتيك وبالمقارنة بينهم تمكنت من تفصيل قاعدة شاسية عمولة عند حداد إتكلفت 100 جنيه مصنوعة من حديد سمك 4مم وده نفس سمك الشاسيه ومتثبتة في شاسيه العربية ب 6 مسامير زي ما هو موضح في الصور ..............


اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

============================

المرحلة الثالثة : إعادة تركيب المكنة مره أخرى:..........


بعد ما جمعنا الفتيس والضفيرة والكبالن وغيرنا قاعدة الدينامو وثبتنا القاعدة التفصيل على الشاسيه بدأنا نرفع المكنة تاني ونركبها مكانها ............

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

=============================

المرحلة الرابعة : تركيب باقي القطع :

بعد ما ثبتنا المكنة مكانها ركبنا باقي القطع ( بدال الفرامل + طبة بدال الدبرياج + عصاية الفتيس + خزنة الزيت + الكونترولات بالضفيرة بتاعتهم + الريداتير)

اضغط هنا لمشاهدة الصورة بالحجك الطبيعي.


===========================

نزلنا العربية ورجعنا كل حاجة زي ما كانت ودورت العربية وطلعت أجرب لقيت كل حاجة تمااااااااااااااااام زي ما تكون العربية خارجة كده من المصنع بس للأسفففففففففففف يا فرحة ماتمت


وأنا بأجرب سمعت صوت خبطة جامدة جدا نزلت أشوف فيه إيه لقيت الفتيس إتكسر من عند القاعدة اللي قدام علبة البيئة .... رجعت العربية للميكانيكي وكلمت محمود السوهاجي ( تاجر قطع الغيار اللي إشتريت منه الحاجة ) الراجل جالي و بص على الفتيس و إكتشف إن المسامير اللي هو ركبها واللي بتربط القاعدة بجسم الفتيس المسامير دي كانت قصيرة ومش هي المسامير الفابريكة بتاعة العربية وبالتالي إداني فتيس غيره ودفع تكاليف إعادة الفك والتركيب واللي كانت 200 جنيه ( ربنا يكرمك يا محمود و يرزقك من فضله )

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

========================

بعد تسقيط الفتيس المكسور وتركيب فتيس آخر بدلا منه وتزويد 9 كيلو زيت دورت العربية أخيرااااااااااااااااااا و بقت أوتوماتيييييييييييك

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

===========================


التكلفة الإجمالية لعملية التحويل


700 جنيه مقابل إستبدال قطع الغيار
400 جنيه مصنعية الميكانيكي ( بدون حساب ال200 بتوع إعادة الفك والتركيب)
100 جنيه قاعدة فتيس تفصيل
240 جنيه 9 كيلو زيت فتيس ....l Donax ATF

الإجمالي 1440 جنيه فقط

loshabih غير متواجد حالياً   رد مع اقتباس
قديم 11-01-2010   #7
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي تعديل فرامل الانوس كامل( امامى + خلفى ) مكونات+اسعار+تجربه

التعديل اللى فعلا فارق كتيىىىىىىىىىىىىىىىىىر اوى فى آداء العربيه
بس هذود كام فكره على التعديل وده من خلال تجربتى علشان فعلا يبقى perfect وتحس انك راكب عربيه تانيه مش دايو
خالص


بس قبل التعديل لازم تركب جنوط وكاوتش يا اما ( 185\60\14 يا اما 195\50\15 ) ودة اللى انا مركبه
حاول تجيب الجنوط اندونيسى ومتجبش صينى علشان متعزبكش فى الترصيص وتعيش معاك وتجيب كاوتش نظيف مثلا ( برجستون ) ومتنزلش عن ( الكومهو ) كويس بالنسبه لسعرة
هيفرق معاك كتير
نيجى بقه للتعديل
ونبداء بالسهل الامامى
1 - طنبورتين ماركة ( ليمفوردر) المانى بتوع اوبل فكترا ب 300 جنيه من عند بتوع قطع غيار الامانى جنب محل الشاطر لقطع غيار الامانى الاستعمال امام محل الروضة ( جديد زيرو )
2 - طقم تيل فرامل ماركة ( جولد ) كورى بتاع دايو نوبيرا او شيفورلية اوبترا ب 45 جنيه من عند بتوع قطع غيار الكورى ( جديد زيرو )
3 - طقم كالبرات بتاع (لانوس 1600 او دايو اسبيرو) كورى ب 150 جنيه من عند محل الروضه فى الحرفيين ( استعمال خارج )
4 - ماستر فرامل عمومى بتاع ( نوبيرا مقاس 22 ) وده ليه حلين يأما جديد ماركة ( ماتيللى ) ايطالى ب 270 جنيه ( ملقيتوش ) ويا أما استعمال من عند محل الروضه او الشهبندر اللى جنبه ب 130 جنيه ( استعمال خارج )
5 - علبتين زيت باكم ماركة ( لوكهيد ) انجليزى ب 33 جنية من محل جنب الشهبندر على طول
6 - هنغير خرطوم الهواء اللى واصل بين السيرفو والمانفيلود ( ودة المسئول عن شفط الهواء من السيرفو وذيادة القوه الفرمليه ) بخرطوم بتاع عربيه بولو المانى ( استعمال خارج )

كل المكونات السابق ذكرها فك وتركيب مسامير بكل سهولة وبدون اى تعديل يعنى عل وضعه
.

وبكدة التعديل الامامى اكتمل ...

هنيجى للصعب بقى !!!؟

التعديل الخلفى
او تركيب فرامل سكينه وراء

1 - جنبين خلفى كاملين بتوع (اوبل فكترا مكنة 2000 cc موديل 95 او اوبل استرا مكنة 1600 cc موديل 2002 ) ودول اللى انا جبتهم لانهم احدث وانضف ب 450 جنيه من عند محل الشاطر امام محل الروضه مباشرة

هتحتاج اثناء التركيب لتعديل قاعدتين علشان يمسكو جراب فرامل الهاند ودول هيبقو راكبين على الدونجل الخلفى
ودة الجزء الصعب فى كل الموضوع

وبكدة زيارة واحدة للحرفيين و فى منطقة لا تتعدى ال200 متر هتجيب بأذن الله كل حاجتك وتخلص تعديلك الكامل للفرامل .....

ملحوظات هامه جدا .....

1 - تأكد من اختيار المكونات الاستعمال بحاله جيده جدا
2 - تنظيف المكونات ومكان تركيبها فى العربيه جيدا
3 - احكام ربط كل المكونات وشيك عليها بنفسك دى فرامل يعنى ارواح
4 - استنزاف الهواء الموجود فى دورة الفرامل جيدا مرة واثنين وثلاثة ( مهم جدااااااااااااااا)
5 - الفرامل هتحتاج وقت كبير علشان تطبع ومتنساش ان الاربع عجلات مغيرين تيل يعنى هتحس اول يومين ان الفرامل ضعيفة شويه
6- من الافضل انك تركب المكونات ( التعديل ) فى مكان قريب ليك ( يعنى متركبهاش وتسافر ) علشان لو فى اى مشاكل فى التركيب يمكن تداركها .


دة كدة التعديل الكامل

ايه الفرق بين قبل وبعد ؟

قبل
1 - انا معايا العربيه زيرو ومفيهاش مشاكل بس على سرعة 140 كيلو فيما فوق لوطلعت وقفت فوق الدواسة العربيه هتهدى لاكن مش هتقف يعنى العجل مش هيكلبش الا لما تهدى وبراحتها اوى
2 - العربية بتاكل تيل جامد والطنابير بتقفع بسرعه من السخونة الذايده ( يعنى لما تدوس فرامل تحس برعشه فى الدركسيون )
3 - لو انت جراى وبتفرمل كتير هتشم ريحة شياط من كتر سخونة الطنابير والتيل دة غير ان قوة الفرامل هتنخفض بمقدار 40%
4 - لو دوست فرملة جامدة على سرعه هتلاقى وش العربيه نزل فى الارض والشنطه عومت معاك لان الفرامل بتعتمد بنسبه كبيره على العجل قدام وبخاصه لو رجلاش العجل اللى وراء مهوى
5 - بتحتاج كل فترة تعمل تنظيف ورجلاش للعجل الخلفى عند ذيادة مشوار فرملة اليد لان اليد والفرامل الخلفى على تيل واحد ( انخفاض دواسة الفرامل مع الوقت )

بعد التعديل
1 - دوست فرامل جامد من 140 كيلوالاربع عجلات كلبشو وطلعو دخان والعربية وقفت فى خط مستقيم
2 - مفيش السخونه الزايدة والتيل مش بيتاكل بسرعه
3 - مفيش ريحة الشياط ومفيش انخفاض فى قوة الفرمله مع كتر الاستخدام
4 - ثبات العربيه مع الفرامل المفاجئة لان الاربع عجلات بيمسكو فى وقت واحد ذى الالمانى
5 - مش بتحتاج تعمل رجلاش لان الفرامل وراء بقت سكينه يعنى بتعمل رجلاش لنفسها اوتوماتيك ( ارتفاع دواسة الفرامل ثابت مع الوقت )

دلوقتى معاكو التعديل كامل بمكوناتة واماكن شرائه
وتكلفتة وفوايده

loshabih غير متواجد حالياً   رد مع اقتباس
قديم 11-01-2010   #8
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي تصليح عيب كلاكس اللانوس الشهير

سم الله الرحمن الرحيم ...
النهارده ان شاء الله هكلمكم عن تجربتى فى تصليح عيب الكلاكس الى كان عندى و اكتشفت انه عيب مشهور فى اللانوس ...

العيب كان ان الكلاكس مش بيزمر لو الدركسيون ملفوف يمين او شمال ...

الادوات المطلوبه للتصليح ...

مفك صليبه ...
فيوز زجاج 25 أمبير ...
قصدير ...
مكواة لحام ...
صنفره ...

طريقة التصليح ...

الاول ... هنفك غطا الدركسيون ... و ده متثبت بمسمارين اتنين اماكنهم مبينه فى الصوره ...

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

بعد منفكهم ... شد الغطا لفوق هيطلع فى ايدك ....

و ادى صوره توضيحيه للصباع النحاس الى هنشتغل عليه ...

اضغط هنا لمشاهدة الصورة بالحجك الطبيعي.

الصباع ده راكب على سوسته بتخليه لازق فى ضهر الدركسيون علطول ...
بس المشكله انه مع الاستعمال الكتير الصباع ده بيتاكل فا الحل ان احنا هنطوله شويه ...

اضغط هنا لمشاهدة الصورة بالحجك الطبيعي.

دلوقتى هنعمل شوية نضافه .... هنحط منديل كلينكس او قماشه على راس مفك عده و نحشره بين الصباع و الدركسيون و نلف الدركسيون يمين و شمال لحد ما ضهر الدركسيون ينضف ...

اضغط هنا لمشاهدة الصورة بالحجك الطبيعي.

و بعد النضافه ... هنصنفر ضهر الدركسيون و راس الصباع النحاس بنفس طريقة النضافه ...

اضغط هنا لمشاهدة الصورة بالحجك الطبيعي.

و بعدين نجيب الفيوز الزجاج زى ده ...

اضغط هنا لمشاهدة الصورة بالحجك الطبيعي.

و نكسر الفيوز و ننضف الكعب بتاع الفيوز من الزجاج هيبقى كده ...

اضغط هنا لمشاهدة الصورة بالحجك الطبيعي.

و بعدين نصنفر كعب الفيوز و نحط فوقيه شويه قصدير بمكواة اللحام ....

اضغط هنا لمشاهدة الصورة بالحجك الطبيعي.

اضغط هنا لمشاهدة الصورة بالحجك الطبيعي.

و بعدين نركب كعب الفيوز فوق الصباع النحاس زى الطربوش ...

اضغط هنا لمشاهدة الصورة بالحجك الطبيعي.

و نجرب الكلاكس بقى و الدركسيون معدول و كمان و هو ملفوف ... لو كله تمام ركب غطا الدركسيون و قفل و اطلع جرب ....

انا الحمد لله المشكله عندى اتحلت بفضل الله ...

عندى شوية ملاحظات ...

اولا ... انا حاولت احط القصدير مباشرة على راس الصباع النحاس بس القصدير مرضيش يمسك فى راس الصباع النحاس ...

ثانيا ... كعب الفيوز واسع شويه على راس الصباع النحاس ... فا انا تنيت شفة كعب الفيوز سنه و دخلت كعب الفيوز فى راس الصباع النحاس حشر ...

اتمنى انى اكون افادتكم ... و يا رب يكون الموضوع عجبكم ....

سلام عليكم ....

loshabih غير متواجد حالياً   رد مع اقتباس
قديم 11-01-2010   #9
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي إستبدال موتور طلمبة البنزين

يما يلي طريقة إستبدال موتور طلمبة البنزين

اولاً - لا ينصح بإجراء هذه العملية لغير ذوى الخبرة في مجال ميكانيكا السيارات وينصح باللجوء لفنى متخصص في كهرباء السيارات
ثانياً - عند العمل في الجزء الخاص بدورة الوقود بالسيارة يجب توخى الحذر حيث ان اى شرارة كهربائية من الممكن ان تؤدى إلى ما لا يحمد عقباه ولابد من وجود طفاية الحريق بجانب العمل
ثالثاً – عند فك طلمبة البنزين يجب فتح الأبواب الأربعة للتهوية الجيدة داخل السيارة
رابعاً – يجب ان يكون تانك البنزين به اقل كمية من البنزين عند عملية فك الطلمبة
خامساً – وده الأهم انامش مسؤل عن اى تلف يحدث لأى سيارة عند عملية التغيير حيث اننى اذكر الخطوات للإفادة وهذه تجربتى الشخصية

الخطوات :-

1-قم بفصل كابل بطارية السيارة الموجب
2-قم بفك مقعد الكنبة الخلفية
3-نجد غطاء اسود بلاستيك مدور نقوم بفكه
4-تظهر لنا طلمبة البنزين وتوصيلاتها يتم فصل سوكت الكهرباء والخرطوم الخاص بإخراج البنزين وخرطوم الراجع لتانك البنزين وبذلك تكون الطلمبة محررة من اية توصيلات
5-رأس الطلمبة عبارة عن دائرة معدنية وعليها دائرة اخرى معدنية ايضاً لتثبيتها نقوم بإستخدام مفك عادة قابل للطرق عليه وشاكوش خفيف بالطرق على الدائرة المعدنية السوداء في اتجاه عكس عقارب الساعة فنجدها تدور معنا وتتحرر الطلمبة
6-نقوم بإخراج الجزء المستدير المثبت للطلمبة خارجاً
7-نقوم بإخراج الطلمبة نفسها من التانك ولا كن بحرص شديد لأنها تكون ممتلئة بالوقود وحتى لا يتم إتلاف زراع العوامة
8-اخرج الطلمبة خارج السيارة وقم بتفريغ البنزين منها بواسطة قلبها فى اناء وتخلص من البنزين المسكوب
9-غطى فتحة الطلمبة بالسيارة بالغطاء البلاستيك الأسود المدور وذلك تفاديا لعدم وقوع اى شئ بداخل تانك البنزين
10-امسك الطلمبة وتجاه اللآسطوانة البلاستيك لآسفل وبإستخدام مفك عادة نجد ثلاثة سنون على حافة الجسم المخروطى للطلمبة نقوم بإبعادهم فينفصل الجسم المخروطى عن رأس الطلمبة
11- نقوم بإخراج الموتور من الداخل وهو متصل بباقي الأجزاء عن طريق خرطوم واحد وسوكت الكهرباء يتم نزعهم فيتحرر الموتور * ملحوظة (خطوة فك الخرطوم من الموتور تحتاج لقليل من الصبر لآنه مثبت بإحكام شديد )
12-قم بتوصيل الموتور الجديد بنفس طريقة التوصيل وتأكد من إحكام الخرطوم في الموتور الجديد حتى لا يتسرب ضغط الموتور بداخل الطلمبة والتانك مرة اخرى
13-نقوم بإرجاع جميع الخطوات السابقة كما كانت وتقفيل الطلمبة بجسم التانك مرة اخرى
14-نقوم بتوصيل الخراطيم وسوكت الكهرباء مرة اخرى واقفال الغطاى البلاستيك المغطى للتانك
15-نوصل قطب البطارية الموجب وكده كله يبقى تمام ونطلع نجرب
وأرجو انى اكون قدرت اوصل المعلومة وشكراً

loshabih غير متواجد حالياً   رد مع اقتباس
قديم 11-01-2010   #10
loshabih
..:: عــضــو رهيب ::..
 
تاريخ التسجيل: Jul 2010
المشاركات: 830
افتراضي تجربتى فى تنظيف البوابه و المانيفولد و حساس الأيدل و حساس موقع الاكسراتير اللانوس

تجربتى فى تنظيف البوابه و المانيفولد و حساس الأيدل و حساس موقع الاكسراتير اللانوس

النهارده قولت اعمل حاجه مفيده .... قولت ايه ... كان نفسى اجرب انضف البوابه "Throttle ****" حسب وصف كبير الدايواهيه محمد ممدوح .. طبعا غنى عن التعريف ....

المهم ... نزلت و حضرت العده و كانت كالاتى :-

زراديه "بنسه يعنى"


مفك عاده و صليبه "بتاع العربيه القصير الاسود ده"
اضغط هنا لمشاهدة الصورة بالحجك الطبيعي.

مفتاح 12


مفتاح 12 حرف L


مفتاح بوجيهات
اضغط هنا لمشاهدة الصورة بالحجك الطبيعي.

علبة اسبراى WD40 كبيره


علبتين اسبراى منظف كاربراتير جنك او اى حاجه تؤدى نفس الغرض ....
اضغط هنا لمشاهدة الصورة بالحجك الطبيعي.

جركن مياه خضراء "مية رادياتير .... و مش لازم الى فى الصوره حط الميه الى بتستعملها علطول و متقفلشى معايا امال "



فوطه نضيفة بدون وبر "مش محتاجه صوره دى ! ولا ايه!!!"
جركن مياه عاديه .... وهات ازازة ميه للشرب عشان متعطلش لما تحب تشرب ...
لا مش كده بقه !!!! الحمام اتصرف فيه انته !! ههههه

طيب .... ايه بقى الخطوات !!! اقولوكم ....
يالا بينا نسمى الله و نبتدى ...

أول هام لابد ان العربيه تكون بارده عشان متتلسعش كل شويه ! متعملوش زيييى ههههههه
وتانى هام اوعى تنسى شوية المياه الخضراء عشان مش هتعرف تمشى و العربيه مفيهاش ميه خضراء ....

وتالت هام ... خلينا نفضى ضغط دورة البنزين .... ازاى !!! هقولك ....
اول حاجه ... نشيل كابل البطاريه السالب .... و ادى صورته ....
اضغط هنا لمشاهدة الصورة بالحجك الطبيعي.

وبعدين نشيل فيوز طلمبة البنزين .... و ادى شكل علبة الفيوزات الى فيها الفيوز ده ... العلبه الى جوه الكبوت ...
اضغط هنا لمشاهدة الصورة بالحجك الطبيعي.

نفتح العلبه ازاى ؟ العلبه مقفوله بكلبسين زى ما انت شايف فى الصوره ...
اسحب الكلبسين لبره و شد الغطا لفوق ... هيطلع فى ايدك ...

و بعدين شيل الفيوز قبل الاخير الشمال ... ده ...
اضغط هنا لمشاهدة الصورة بالحجك الطبيعي.

روح بقه حط الكبل السالب بتاع البطاريه ... ركبه اى كلام كده هنشيله تانى ...
و دور العربيه .... هتدور و هتبطل لوحدها بعد ثانيتين ثلاثه ....
دور مارش لمدة 5 ثوانى و طفى ..... و دور تانى 5 ثوانى و طفى ...
خلاص كده مبقاش فى اى بنزين عند الموتور خالص ....
شيل بقها الكابل السالب تانى و نبتدى الشغل ان شاء الله ...

اولا جوله سريعه كده عشان نعرف اسامى الحاجات الى هنشتغل فيها ...
اضغط هنا لمشاهدة الصورة بالحجك الطبيعي.

اول حاجه هنفك خرطوم العمه ... وده عن طريق تهوية الأفيز بمفك عاده ... وبعدين تفصله عن البوابه بالشد اليدوى ....

تانى حاجه هتتفك هى حساس الايدل "Idle Controller" و حساس موقع الاكسراتير "Throttle Position Sensor" و ده عن طريق فك الفيش بتاعتهم ثم فك المسمارين الى مربوط بيهم كل منهم بمفك صليبه ... "المسامير فى الجهة الخلفيه" ....
اضغط هنا لمشاهدة الصورة بالحجك الطبيعي.

و انت بتفك حساس الأيدل خلى بالك من الجوان اوعى يضيع منك ...
اضغط هنا لمشاهدة الصورة بالحجك الطبيعي.

انا عندى معرفتش افك حساس موقع الاكسراتير عشان كان فى مسمار من مساميره قافش اوى فسبته احسن يبوظ .....

و بعدين يا معلم هتفك سلك الاكسراتير من على بكرة الاكسراتير ... طب ازاى !!!! اقولك ...
هتلف البكره لاقصى اليمين و تفضل ماسكها كده ... و بعدين تحرر الرصاصه الى فى اخر السلك من المجرى بتاعتها و تطلعها بره خالص ....
اضغط هنا لمشاهدة الصورة بالحجك الطبيعي.

هيطلع فى ايدك كده ...
اضغط هنا لمشاهدة الصورة بالحجك الطبيعي.

و بكده هيتبقى اربع خراطيم ماسكه البوابه ... هنفك الاتنين الى فى الوسط ... ودول واحد بتاع الفاكيوم "الامامى" و التانى بتاع البنزين "الورانى" ..... معلش مفيش صوره لان المكان كان مزنوق قوى .... بس ادى صوره لاماكنهم بعد ما اتفكت البوابه ....
اضغط هنا لمشاهدة الصورة بالحجك الطبيعي.

هنسيب خراطيم المياه الى هى تحت على الاطراف "خرطومين كبار بقفايز" لان فكهم اسهل لما نفك البوابه خالص .....

و بعدين نيجى للحظة فك البوابه من على المانيفولد .... ان ان ااااان ... تششششش .....

البوابه ماسكه فى المانيفولد عن طريق مسمارين 12 .... و بين البوابه و المانيفولد فى جوان البوابه .... اوعى يضيع منك و انت بتفك ....

المسمار الى فوق فكه سهل قوى .... حط الراس المدوره من مفتاح 12 و فك يا ريس هيطلع فى ايدك علطول ....

المسمار التانى بقى تحت و فى حته مزنوقه قوى فا لازم مفتاح حرف L عشان تعرف تفكه ... هيطلع عينك لو اصريت تفكه بالمفتاح البلدى .... اسمع كلامى عشان انا جربت طريقة المفتاح البلدى دى و قعدت افك فيه ييجى ربع ساعه و كمان جرحت صباعى ...

و ادى اماكن المسامير اهى ...
اضغط هنا لمشاهدة الصورة بالحجك الطبيعي.[IMG]http://i864.photobucket.com/albums/ab207/batviser/Throttle****Bolts.jpg[/IMG]

بعد متفك المسمارين البوابه هتطلع فى ايدك .... بس متشدش لسه خراطيم الميه الى كنا قولنا عليها من شويه ... دول ....
اضغط هنا لمشاهدة الصورة بالحجك الطبيعي.

و دول ياسيدى ماسكين فى مكانهم بأفايز .... بيتفكو ازاى ..... بيتفكو بزراديه ... تمسك الافيز من بوزه و تضمه و تنزل الأفيز كله تحت مكانه كده بتاع 5 أو 6 سم .... هنفك الافايز الاتنين و بعدين تسحب الخرطوم الامامى الاول من البوابه و تحط المسمار 12 بتاع البوابه فى الخرطوم عشان ميقعدش يخر مياه كتير و بعدين الخرطوم الخلفى نفس الوضع تسحبه و تقوم كاتمه بالمسمار برضه ... و ادى صوره بعد ما شيلنا البوابه ....
اضغط هنا لمشاهدة الصورة بالحجك الطبيعي.[IMG]http://i864.photobucket.com/albums/ab207/batviser/Throttle****Removed.jpg[/IMG]

و ادى صوره للبوابه اول متفكت ....
اضغط هنا لمشاهدة الصورة بالحجك الطبيعي.[IMG]http://i864.photobucket.com/albums/ab207/batviser/DirtyThrottle****.jpg[/IMG]

عيش حياتك بقى نضافه يا معلم بمنظف الكاربراتير .... و متخلصشى العلبتين على البوابه بس !!! لسه فى حساس الأيدل و حساس موقع الاكسراتير و المانيفولد .... نضف كل دول بمنظف الكاربراتير .... و متخفشى من منظف الكاربراتير الى بينزل جوه المانيفولد هقولك تعمل ايه فيه حالا ..... عاوزك بس تخلى الدنيا بتبرق .....

و ادى صورة البوابه بعد ما نضفت ....
اضغط هنا لمشاهدة الصورة بالحجك الطبيعي.[IMG]http://i864.photobucket.com/albums/ab207/batviser/CleanThrottle****.jpg[/IMG]

بعد متخلص الغسله التمام .... هنحط WD40 على الاماكن الى بتتحرك زى بكره الاكسراتير فى اماكن الاتصال مع البوابه .... يعنى من الاخر الاماكن الى فيها احتكاك ... و نشغلها بأيدينا شويه ... و فايدة ال WD40 هنا مش التزييت لا ... فايدته انه ينزل الصدا و الرواسب و غيره .... و برده رش WD40 على حساس الأيدل و حساس موقع الاكسراتير .... و نغسل الكل مره تانيه بمظف الكاربراتير بسرعه كده ... و نسيبهم ينشفو ....

و بعدين نحط نقطتين زيت باور جوه حساس الأيدل ... متكترشى عشان متلحوسشى الدنيا ... و نشف الزياده ....

كده بقى لما نضفنا المانيفولد من جوه بمنظف الكاربراتير ... اكيد المنظف خد التراب و الزيت و نزل على تحت ..... طب عاوزين نطلع الزباله دى بره الموتور ... نعمل ايه ....

فك سلوك البوجيهات .... متشدش من السلك نفسه عشان هيبوظ لو عملت كده .... شد من الجسم الحديد الى ماسك فى البوجيه نفسه .. و ادى صوره توضيحيه يا سيدى ....
اضغط هنا لمشاهدة الصورة بالحجك الطبيعي.

طبعا الصوره فيها البوجيهات مفكوكه .... فكيناها ازاى .... اكيد بمفتاح البوجيهات الى وريتكم صورته فوق .... و ادى صورة البوجيه للى ميعرفشى شكله ....
اضغط هنا لمشاهدة الصورة بالحجك الطبيعي.

عشا نطرد الزباله دى هندور المارش و العربيه زى ما هيه كده ... البوابه مفكوكه و البوجيهات مفكوكه ....

بص .... اهم حاجه فى الشغلانه دى ... ان ميبقاش فى اى شخص او اى شى امام العربيه لمسافة 5 متر .... مفيش عربيات تانيه ... مفيش اى حاجه انت خايف عليها .... عشان السائل الى هيطلع لما ندور العربيه دلوقتى بيبوظ الدهان بتاع اى حاجه .... و طبعا من قوة اندفاعه ممكن يأذى اى كائن حى ...

حط فوطه على الرادياتير و الشنب و الاكصدام الامامى عشان هيغرقوا بتاع من الى بيبوظ الدهان ده ... السائل ده هيطلع من فتحة البوجيهات فا متسدهاش و متغطيهاش ....

وصل كابل السالب بتاع البطاريه ... اى كلام كده ... هنشيله تانى .... و ادخل جوه العربيه و دور مارش 5 ثوانى و طفى ... و كرر كمان مرتين نفس النظام ... و ممكن اكتر لو لسه بتطلع رذاذ برده ....

خلاص بطلت تطلع ؟؟؟ تمام ... انزل شيل كابل البطاريه .... و ركب البوجيهات بعد متنضفهم .... بالفوطه و ممكن بمنظف الكاربراتير ..... و ركب سلوك البوجيهات ....

تعالى بقى نركب البوابه .... ببساطه هنعمل عكس الى احنا عملناه ... اى عكس ترتيب الفك ....

1- نركب كابلين المياه مع ربط الافايز ....
2- نحط الجوان بين البوابه و المانيفولد ... الجوان له عدله ... شغل مخك شويه ...
3- نشبط المسامير بتاعت البوابه و نقرط عليهم الاتنين ...
4- نركب خرطوم الفاكيوم و البنزين ...
5- نركب حساس موقع الاكسراتير ... و نربط المسمارين بتوعه و نركب فيشته ...
6- نركب حساس الأيدل ... و نربط المسمارين بتوعه و نركب فيشته ....
7- نركب خرطوم العمة و نربط الافيز بتاعه ...
8- نركب سلك الاكسراتير على بكرة الاكسراتير ...
9- نركب فيوز طلمبة البنزين و نقفل علبة الفيوزات ....
10- نركب كابل البطاريه السالب و نقرط عليه كويس ...

و بكده يبقى ميكانيكيا كله تمام ....
تعالى بقى نعمل حاجه اسمها .... ايدل ليرن " Idle Learn" ....
و الأيدل ليرن ده عباره عن مجموعة من الخطوات .... فايدتها ضبط سلانسيه الموتور ...
و ده عن طريق اعادة ضبط الحساسات .... و الطريقه كالاتى ....

1- افتح الكونتاك لحد التكه الى هيه قبل متدور مارش دى ... و سيبه خمس ثوانى و اقفل تانى ... و كرر ثلاثة مرات ....
2- دور العربيه بدون متدوس بنزين .... و سيبها كده دايره ثلاث دقائق ...
3- افتح التكييف على اعلى درجه ... و سيبه دقيقتان ... و بعد كده اقفله ...
4- طفى العربيه ....

جرب تطفى العربيه و تشغلها كذا مره لحد متظبط معاك ...

و انت واقف كده و العربيه دايره ... زود لفات الموتور بالضغط على دواسة البنزين لحد RPM تلاته و نص مثلا و سيبها كده مثلا 5 ثوانى و بعدين شيل رجلك فجأه و كرر الموضوع ده بتاع عشر مرات ولا حاجه ... لحد متلاقى العربيه ظبطت و مش بتترج لما تشيل رجلك فجأه ....

و بعدين اطلع مشوار فى طريق مفتوح و جرب العربيه ... و قولنا حاسس باختلاف ولا لأ !

انا حسيت بفرق فى صوت سلانسيه الموتور .. هدى شويه ...و فرق فى السحب و خصوصا فى ال RPM الواطى بس ميستاهلشى وجع الدماغ ده كله .... يمكن عشان انا البوابه عندى مكانتشى وسخه اوى يعنى .... و يمكن عشان انا طبيعة سواقتى هاديه فى معظم الاحيان ... فا مش حاسس قوى بالتغيير ... لانى كده كده مبطلبشى اى حاجه جامده من العربيه ...

loshabih غير متواجد حالياً   رد مع اقتباس
إضافة رد

الكلمات الدلالية (Tags)
محشش, موضوع, اللانوس
تعليقات زوار الموقع على الفيس بوك


أدوات الموضوع
انواع عرض الموضوع

الانتقال السريع


الساعة الآن 11:14 PM.


Follow @elmaazon تابع ايجى لفرز على الفيس بوك وتويتر لحظه بلحظه